“गुणस्तरी शिक्षा सुदृढीकरणका लागि प्रारम्भिक बाल शिक्षा तथा विकास र आधारभूत शिक्षा प्रर्वद्धन परियोजना” को विद्यालयस्तरमा परियोजनाको जानकारीका साथै अन्तरक्रिया कार्यक्रम यहि फाल्गुण ५ गते देखि शुरु भएको छ । सेतो गुराँस राष्ट्रिय बालविकास सेवाको आयोजना तथा प्राविधिक सहयोग, German Cooperation (BMZ) ÷चाइल्ड एड नेटवर्क फाउन्डेसन जर्मनीको आर्थिक सहयोग तथा स्थानीय सरकार, गोकुलगंगा गाँउपालिका, रस्नालु ३, रामेछाप बागमती प्रदेशको सहकार्यमा परियोजना १५ आश्विन २०७८ देखि सञ्चालन भएको र परियोजनाको अवधी १६ पौष २०८१ सम्म रहनेछ । गाँउपालिकाका ३४ वटा विद्यालय तथा विद्यालयमा आधारित २८ बालविकास केन्द्र र ५ वटा समुदायमा आधारित बालविकास केन्द्रमा यो परियोजना लागू गरिएको छ ।
बालविकास केन्द्र तथा विद्यालयको कक्षा १ देखि ३ सम्मका लागि बालमैत्री तथा सिकाइ वातारवरण सिर्जना गर्नका निम्ति आवश्यक पूर्वाधार तथा कक्षाकोठा व्यवस्थापन, बालविकास केन्द्रमा भौगोलिक तथा सामाजिक सिकाइ वातावरण निर्माणका निम्ति स्थानियस्तरमा जुटाउने सहयोगको बारेमा ३४ वटै विद्यालयका प्रधानाध्यापक, विद्यालय व्यवस्थापन समितीका अध्यक्ष, शिक्षक अभिभावक संघका अध्यक्ष तथा बालशिक्षक र कक्षा १ देखि ३ सम्म अध्यापन गराउने शिक्षकहरु सँग अन्र्तक्रिया कार्यक्रम शुुरु गरिएको परिेयोजना संयोजक कर्ण दरैले जानकारी गराउनु भयो । अन्र्तक्रिया कार्यक्रम पालिकाको सम्पूर्ण विद्यालय तथा प्रारम्भिक बालविकास केन्द्रलाई समेट्ने गरि १४ क्लष्टरमा विभाजन गरिएको तथा दुई वटा क्लष्टरमा २०७८ फाल्गुण ५ र ६ गते सम्पन्न गरिएको छ । जसमा पहिलो क्लष्टरमा श्री गोकुलगंगा आधारभूत विद्यालय, वेताली तथा दोश्रो क्लष्टरमा श्री गोकुलगंगा माध्यमिक विद्यालय, श्री भिम आधारभूत र श्री जट्टेश्वरी आधारभूत विद्यालय रस्नालुबाट सहभागीता रहेको थियो । परियोजनाको उद्धेश्य, अपेक्षित उपलब्धी, परियोजना अवधी भित्र गरिने विभिन्न क्रियाकलापहरु तथा प्रारम्भिक बालविकास केन्द्रमा राष्ट्रिय न्यूनतम मापदण्डको आधारमा कक्षा व्यवस्थापन, सिकाइ क्षेत्र तथा सामग्री व्यवस्थापन, बालविकास केन्द्रका बालवालिकाका लागि बाहिरी खेलका सामग्री, बालविकास केन्द्रमा भौगोलिक तथा सामाजिक सिकाइ वातावरण निर्माण तथा यसको महत्व, न्यूनतम रुपमा कक्षा १ देखि ३ सम्म बालमैत्री बसाई व्यवस्थापन तथा सिकाई सामग्री र पुस्ताकालयको व्यवस्थापनबारे आवश्यक छलफल तथा अन्र्तक्रिया गरियो । विशेषतः यो अन्र्तक्रिया कार्यक्रम मार्फत बालविकास केन्द्रमा भौगोलिक तथा सामाजिक सिकाइ वातावरण निर्माणका लागि आवश्यक कच्चा सामग्री विद्यालय तथा समुदायस्तरमा जुटाउने योगदानमा विद्यालयको प्रतिवद्धताका साथै संस्थाबाट प्राविधीक सहयोग उपलब्ध गराउने मुख्य उद्धेश्य रहेको छ । यस अन्र्तक्रिया कार्यक्रमको सहजीकरण सेतो गुराँस राष्ट्रिय बालविकास सेवाका परियोजना संयोजक श्री कर्ण दरै तथा तालिम अधिकृत श्री दीपा खर्कवालले गरिरहनु भएको छ ।
.gif)
प्रतिक्रिया थप्नुहोस्